O concello de Quintela de Leirado conta desde o ano 2009 cun recinto con piscinas descubertas, ubicadas no núcleo rural de O Tornadoiro, accedendo pola estrada comarcal dirección Xacebáns. Son unhas piscinas cunhas vistas envidiables a Penagache e ao Val da Cañiza, que aportan a sensación de tranquilidade e relax que se busca no rural.
HORARIO
Esta instalación permanece aberta desde a última semana de xuño ata a segunda de setembro. O horario de apertura é de 11:00 a 13:00 horas e de 16:00 a 21:00 horas.
No horario de mañá a piscina dedícase as leccións de natación, tanto en adultos como en nenos, e a actividades de ocio organizadas polo mesmo concello.
CARACTERÍSTICAS
O complexo comprende unha zona de vestuarios e aseos, unha zona de almacenaxe e un recinto para o posto de vixiancia e aplicación de primeiros auxilios, así como, amplias zonas verdes a disposición dos usuarios.
As piscinas están formadas por dous vasos un para os máis pequenos e outro para adultos.
- A piscina para os pequenos consiste nun vaso de chapoteo de 11 x 5 m, cunha profundidade de 0,30 m e cun volume de 12 m3.
- A piscina para adultos, consiste nun vaso polivalente de 25 x 12,50, cunha profundidade de 1,10 a 1,60 e cun volume de 380 m3.
Accesibilidade
A piscina de Quintela de Leirado é a única que conta cunha cadeira elevadora para a inmersión e saída da piscina de persoas discapacitadas.
- Entrada ao recinto accesible: si.
- Aseo adaptado: si.
- Vestuario adaptado: si.
- Grúa elevadora: si.
Outros servizos
- Gardaroupas.
- Aparcabicicletas.
- Bar e terraza.
