Servizo prestado por un axente de Emprego e Desenvolvemento Local que pertence á Rede de Técnicos de Emprego de Galicia, que é unha infraestrutura de servizos impulsada para a implantación das políticas activas de emprego e apoio das iniciativas empresariais xeradoras de novos postos de traballo no ámbito local. Existe unha cooperación permanente das administracións autonómica e local xunto coas entidades galegas con este servizo.
O obxectivo principal é o fomento da contratación e o autoemprego, conseguido mediante as funcións realizadas polo técnicos, que son:
- Dinamización socioeconómica no ámbito rural.
- Estímulo de proxectos empresariais innovadores baseados no uso da tecnoloxía.
- Asesoramento para creación de empresas.
- Participación en proxectos da Unión Europea.
- Información e tramitación de subvencións de desenvolvemento local en temas de emprego:
- Por conta propia.
- Por conta allea.
- Formación para empregados (formación continua) e desempregados (formación para o emprego).
